Qara dəliklər

30

Qara dəlik çoxlarının təsəvvüründə kosmosda olan böyük bir qıfdır hansı ki, yaxında olan ulduzları, qalaktikaları və ümumiyyətlə yaxınlıqda nə varsa özünə çəkir. Əslində qara dəlik bir ulduzdur. Adi ulduz yox, sadəcə onun məhv olmuş forması ( Ölü ulduz ) . Çünki qara dəliklər ulduzların tam formalaşıb məhv olmasından sonra yaranır. Qara dəliyin yaranmasını bilmək üçün ilk olaraq ulduzun necə yaranmasını və məhv olmasını bilməliyik. Ağlınıza Kosmosda olan böyük dumanlıq təsəvvür edin, böyük buludlar hansı ki, cəzb etmə qüvvəsinə görə bir-birinə yaxınlaşan molekullardan ibarətdir. Və milyon illər keçdikcə onlar bir-birinə yapışaraq bir şar formasını alırlar. Bu şarı artıq biz gənc ulduz adlandıra bilərik. Amma bu gənc ulduzun daxilində hələ də cəzb etmə qüvvəsi qalır, o sıxılmağa davam edir. Və mərkəzdə elə bir təzyiq, elə bir temperatur mövcud olur ki, orada termomonekulyar proseslər getməyə başlayır. Beləliklə işıq balansı yaranır. Bir tərəfdən ulduz cəzbetmə qüvvəsindən sıxılır, digər tərəfdən termomonekulyar proseslər nəticəsində cəzbetmə qüvvəsinin əksinə olan istiqamətdə qüvvə təsir edir. Bu balans xeyli müddət mövcud olur. Təxmini 10 milyard il. Amma əvvəl axır ulduzun mərkəzində yanacaq bitir. Bu zaman daxildə olan reaksiyalar dayanır və cəzbetmə qüvvəsinin əksinə yönələn qüvvələr sıfra bərabərləşir. Ən maraqlısı isə bu zaman baş verir. Ulduz sıxılmağa başlayır. Bu sıxılma nəticəsində çox qatı materiya yaranır. Bu materiya Neytron materiyası adlanır. Müqayisə üçün onu demək istəyirəm ki, əgər bizim bir alma boyda neytron materiyamız olsaydı o, Yerdəki bütün balıqların çəkisindən böyük olardı və ya Qaleo kometinin çəkisinə bərabər olardı. Bax bu üsulla bir ulduz məhv olmağa başlayır və onda çox kiçik bir ”cəsəd” qalır. bu cəsəd Moskva və ya başqa bir iri şəhər ölçülərində olur. Bu isə Neytron ulduz adlanır. Neytron ulduzun ətrafında çox böyük qravitasiya qüvvəsi olur. Və bu qüvvə nəticəsində də o ətrafında olan hər şeyi özünə çəkir. Hətta elə neytron ulduzlar olur ki, onların qravitasiyası o həddə çatır ki, onlar hətta özlərinin əks etdiyi işığı belə özünə çəkirlər. Buna görə də ulduz işıq əks edə bilmir və o kənardan qara görünür. Qara dəlik adı məhz buna görə verilmişdir. Kosmosda isə elə bir qüvvə yoxdur ki, qara dəliyə düşən hər hansı bir şeyi geri qaytarsın. Ona görə ora düşən hər hansı bir ulduz, planet və ya başqa bir şey orada əbədi olaraq qalır. Üstəlik qara dəliklərdə bizə tanış olan fizika qanunları doğru olmur. Hə, bir də narahat olmağa dəyməz. Əgər hər hansı bir qara dəlik Yerə yaxınlaşsa heç kim xilas ola bilməyəcək, yəni hamımız eyni anda öləcəyik. Buna görə də heç kim inciməz.hqdefault

CAVAB YAZ

Zəhmət olmasa şərhinizi daxil edin!
Zəhmət olmasa adınızı buraya daxil edin