Antiseptika nədir? / Ensiklopedik Bilgi

Post date:

Author:

Category:

Müasir cərrahlıqda antiseptika kimyanın, fizikanın, farmakologiyanın və immunologiyanın nailiyyətləri əsasında yaranmış yeni bir istiqamətdir. Antiseptikanın 5 növü məlumdur: mexaniki, fiziki, kimyəvi, bioloji və qarışıq. Bundan başqa antiseptika səthi, dərin, yerli və ümumi növlərə də bölünür. Antiseptikanın ayrı-ayrı nadir hallarda tətbiq edildiyindən təsnifatı da şərtidir.

Əksər yaraların müalicəsində antiseptikanın bütün növlərindən istifadə olunduğu üçün bu tədbirlər birlikdə «qarışıq antiseptika» adlanır. Məsələn, hər hansı bir təsadüfi yara birincili işlənir, yaranın kənarları, dibi kəsilir, yad cisimlər xaric edilir (mexaniki ant.), yaranın kənarlarma antiseptiklər sürtülür (yod, spirt), yara boşluğu antiseptiklərlə yuyulur (kimyəvi ant.), yaralıya antibiotiklər, qazlı qanqrena, tetanus əleyhinə zardablar yeridilir (bioloji ant. ) və yaraların müalicəsində, ultrasəs, lazer, kvars şüalandırılması aparılır (fiziki ant.). Beləliklə, bir yaranın müalicəsində bütün antiseptika növlərindən istifadə olunur.

Mexaniki antiseptika

Yara səthində və irinli boşluqlarda mikrobların mexaniki yolla məhv edilməsi və onlarla birlikdə «ölmüş» toxumaların yaradan xaric edilməsinə mexaniki antiseptika deyilir. Təsadüfi yaralardan həyat qabiliyyətini itirmiş toxumalar, bakteriyalar, yad cisimlər birincili işlənmə ilə xaric edilir.

Fiziki antiseptika

Yara səthində və irinli boşluqlarda olan mikroblara qarşı fiziki vasitələrlə aparılan kompleks müalicə tədbirlərindən ibarətdir. Bu tədbirlərin köməyi ilə yarada mikrobların çoxalmasının, toksinlərin sorulmasının qarşısı alınır, məhv olmuş, yaşama qabiliyyətini itirmiş hüceyrə və toxuma qalıqlarının yaradan xaric olunması sürətləndirilir.

Kimyəvi antiseptika

Kimyəvi maddələrin antiseptiklərin köməyi ilə yarada, xəstə ocaqda və bütövlükdə bədəndə olan mikrobların məhv edilməsidir. Bütün kimyəvi maddələr aktiv bakteriosid və bakteriostatik təsiri ilə fərqlənir.

Kimyəvi antiseptiklər aşağıdakı tələblərə cavab verməlidir: təsir dozasında patogen mikrobları məhv etməli və onların çoxalmasının qarşısını almalıdır; yerli toxumalara və bütövlükdə bədənə toksiki təsir göstərməməlıdır; yara eksudatı və bədənin digər mayeləri ilə təmasda öz təsirini itirməməlidir.
Kimyəvi antıseptik maddələr tətbiqinə göstərişlərə və bədənə yeridilmə yollarına görə 3 əsas qrupa bölünür: dezinfeksiyaedicilər, antiseptiklər və müalicə təsirinə malik kimyəvi maddələr.

Mənbə:

Çərkəz Cəfərov- Ümumi Cərrahlıq

STAY CONNECTED

20,215FansLike
2,253FollowersFollow
0SubscribersSubscribe

INSTAGRAM

Yuxularımızı idarə edə bilərikmi?Lüsid yuxu nədir?

Çox gözəl bir yuxu görərkən heç bitməməsini istədiyiniz olubmu ? Əgər olubsa, yuxuda olduğunuzu anlamısız deməkdir. Buna “Lüsid yuxu” deyilir. Lüsid...

Broun hərəkəti nədir?

Hər birimiz fikir verməsək belə ətrafda daim baş verən bu hərəkətlə heç olmasa bir dəfə rastlaşmış olmalıyıq. Məsələn, suya düşən kiçik...

X ; Y ; Z nəsilləri nəyi ifadə edir? Onlar necə formalaşır ?

Adətən, yaş fərqi olan insanlar ilə fikirlərimiz üst-üstə düşmədikdə "nəsil" ; "generasiya fərqi’" deyib keçirik. Çünki onlar yaşca bizdən böyük ya...