Ömürlük müştərilər qazanmaq üçün əlaqəli marketinq

Post date:

Author:

Category:

Marketinq dünyasında hər keçən gün yeni bir məhfum qarşımıza çıxır. Çox da yeni olmayan, lakin hələ çox bilinməyən bir məhfumdan bəhs etmək istəyirəm. Hələ də yaxşı məhsul satmağın qənaətbəxş olduğunu, aşağı qiymətlə bütün malların satılaraq mənfəət əldə edilə biləcəyini, reklamlarda məşhur şəxsləri göstərərək uğur qazanacaqlarını düşünənlərə inad əlaqəli marketinqə diqqət yetirməliyik. 

Əlaqəli marketinq məhfumu Berry tərəfindən “Müştərinin diqqətini istehsal olunan əmtəə və xidmətə yönəltib münasibəti cazibəli hala gətirmək, davamlılığını təmin etmək və inkişaf etdirilmək üçün edilən səylərin bütünü” olaraq təsvir edilmişdir. Grönroos isə “Müştərilər və digər şəxslərlə əlaqə qurmaq, bu əlaqələri inkişaf etdirərək davam etdirmək, beləliklə qarşılıqlı hədəflərə müəyyən bir mənfəət ilə çatılmasını təmin etməkdir. Bu qarşılıqlı dəyişim və verilən sözlərin tutulması ilə reallaşa bilər.” şəklində təsvir etmişdir.

“Marketinq bitiş xətti olmayan bir yarışdır.” Philip Kotler, Northwestern Universiteti

Müasir marketinqin atası adlandırılan Kotler əlaqəli marketinq məhfumunu “Şirkətlərin müştəriləri və münasibətdə olduğu digər quruplarla güclü əlaqələr qurması, davamlılığını təmin etməsi və genişləndirmələri” olaraq açıqlamışdır. Acuner də “Uğurlu şəxsi əlaqələr ilə kommersiya əlaqələrinin davam etdirilməsi” olaraq tərif vermişdir.

Əlaqəli marketinqdə ən əsas məqsəd mövcud müştəriləri əldə saxlamaqdır. Markadan bir neçə məhsul alan, lakin sonra o markadan məhsul almağı dayandırmış müştərilər də bu qrupa daxildir. Bu müştəriləri qazanmaq yeni müştəri əldə etməkdən daha sadədir və daha az vəsait tələb edir. Eyni zamanda şirkətə gələn gəlir daha çoxdur və bu müştərilərlə olan əlaqənin müddəti daha uzundur. Bu müştəri qrupuna daxil olanlar sizi başqalarına tövsiyə edərək markanızın tanınmasını reallaşdırar və məhsullarınızın alınmasına dəstək olarlar.

Digər marketinq növlərində olduğu kimi əsas məqsədlərdən biri də yeni müştəri qazanmaqdır. Bunların bir hissəsi markanızı bilməyən, daha əvvəl mağazanızdan (onlayn mağazanız da daxil olmaqla) içəri girməmiş istehlakçılardır. Bir hissəsi isə markanızı bilən, amma mağazanıza heç girməmiş, markanızdan heç alış-veriş etməmiş insanlardan ibarətdir. Digər bir hissəsi də markanızı bilən ya da bilməyən amma mağazanıza daxil olmuş şəxslərdir. Bu 3 qrup “potensial müştəri” adı altında dəyərləndirilir. Hər qrup üçün istifadə ediləcək əlaqəli marketinq fəaliyyəti fərqlidir.

Müştərilər markaya qarşı qərəzli də olsa, mağazanızın olmadığı bir yerdə də yaşasalar, məhsullarınızı alacaq gəlirləri olmasa da, hələ internet istifadə etməsələr də potensial müştəri olaraq qiymətləndirilirlər. Çünki bir gün qərəzlərini bir kənara qoya, lotereyada uda, mağazanızın ən yaxınındakı evə köçə və internetdən istifadə etməyə başlaya bilərlər. Potensial kəlməsini bir gün hərəkətə keçirə biləcəyiniz istehlakçıları adlandırmaq üçün istifadə edirik.

Əldə edilən müştəriləri məmnun etmək marka və məhsullarınız ilə mağaza dekorasiyasından təqdim etdiyiniz xidmətlərə qədər bütün gözləntiləri qarşılamaq deməkdir. Ancaq onlara gözləntilərindən daha artıq məhsul və xidmətlər təqdim etdikdə müştəriləri məmnun etməklə yanaşı daha çox həzz almaqlarını təmin edə bilərsiniz. Bu da uzun müddətli, rahat və sağlam bir əlaqənin təməli olacaqdır. Çünki müştərilər özlərini dəyərli hiss edəcəklər. Sizi tərk etməsi üçün səbəb qalmayacaq və ömürlük bərabərliyiniz başqalarına nümünə olacaqdır. Müştəri ilə əlaqəni genişləndirmək əlaqə qurduqdan sonra ən önəmli addımdır. Müştərinin mağazanıza gəlməsi, internetdəki saytınıza üzv olması, məhsul alması, instagram hesabınızı izləməyə alması kimi addımlar əlaqəni başladır. Bu gün texnologiyanın inkişafının da təsiri ilə müştəri ilə əlaqə qurmağın yolları artmış və sadələşmişdir. 

Müştərilərin markalara olan bağlılığı onlara etibar etmələrinə, marka nə istehsal edərsə onun keyfiyyətli olduğunu düşünmələrinə səbəb olur. Rəqiblər daha ucuz qiymətə də satsa, ödəniş rahatlığı da təmin etsə tanımadığı və güvənmədiyi üçün onları seçməz. Bunu reallaşdıra bilirsinizsə demək ki, əlaqəli marketinqi tətbiq edirsiniz.

Müştəriləriniz üçün göstərdiyiniz xüsusi münasibət, özəl müştəri kartları, özəl endirimlər kimi əlavə xidmətlər, göndərdiyiniz sms, email və digər mesajlar özlərini xüsusi hiss etmələrinə və sizə daha çox bağlanmaqlarına səbəb olacaqdır. 

İnsanlar xüsusi günlərdə xatırlanmağı sevir. Ancaq bu gün sadə bir “Doğum gününüzü təbrik edirik.” mesajı yerinə “Sənin üçün keçən il doğum günündə aldığın qara paltara oxşar paltarlar seçdik.” və ya “Daha öncə baxdığın geyimlərdə sənin üçün doğum gününə özəl 10% endirim” tərzində xüsusiləşdirilmələrdən istifadə etmək lazımdır. Bu və bu kimi xüsusi metodlar şirkət ilə müştəri arasında emosional bağ yaratmağa kömək edəcəkdir.

Mənbə:  https://pazarlamaturkiye.com/omurluk-birliktelik-icin-iliskisel-pazarlama/

Redaktə etdi: Nisə Qulizadə

STAY CONNECTED

20,112FansLike
2,238FollowersFollow
0SubscribersSubscribe

INSTAGRAM

X ; Y ; Z nəsilləri nəyi ifadə edir? Onlar necə formalaşır ?

Adətən, yaş fərqi olan insanlar ilə fikirlərimiz üst-üstə düşmədikdə "nəsil" ; "generasiya fərqi’" deyib keçirik. Çünki onlar yaşca bizdən böyük ya...

Kommersiya marketinqi nədir?

Marketinqin şirkətlər üçün çox uzun müddətdir imtina edilməz bir ünsür olmasının səbəbi davamlı inkişaf edən dinamik quruluşa malik olması və dəyişikliklərə asanlıqla...

Superkompüter nədir? (Ensiklopedik bilgi)

Superkompüter – çoxprosessorlu hesablama sistemidır və ilk superkompüter amerikan mühəndis Seymur Krey tərəfindən 1975-ci ildə yaradılmışdır və məhsuldarlığı sürüşkən vergüllü ədədlər üzərində...