Sosial psixologiya nəyi öyrənir?

Post date:

Author:

Category:

Sosial psixologiya nəyi öyrənir?  Ona necə tərif vermək olar?  Sosial psixologiyanın onlarla tərifi var.  Bəzi müəlliflərin fikrincə, sosial psixologiya fərdlərin davranışını sosial stimulların funksiyası kimi öyrənir.  Teqfel isə hesab edirdi ki,  sosial psixologiya insanın rabitələrini və sosial mühitdəki dəyişiklikləri öyrənir.  Q. Ollport Amerika sosial psixologiyasının inkişafı prosesini ümumiləşdirərək 60-cı illərin axırlarında göstərir ki, sosial psixologiya başqa insanların, fərdin fikirlərinə, hisslərinə və davranışlarına necə təsir göstərdiyini öyrənən elmdir.  Son zamanlar D. Mayersin məşhur tərifi diqqəti daha çox cəlb edir. Bu tərifə görə, sosial psixologiya insanların bir-birinə necə təsir göstərdiyini və bir-birlərinə necə münasibət bəslədiklərini öyrənən elmdir.  Gəlin, bu tərifi açıqlayaq.

D. Mayersin tərifində 3 istiqamət müəyyənləşdirilir:

1- İnsanlar bir-biri haqqında necə fikirləşirlər?

2- Onlar bir-birlərinə necə təsir göstərir?

3- İnsanlar bir-birlərinə necə münasibət bəsləyir?

Sosial psixologiya bu aktual problemi açıqlayanda 3 kateqoriyaya-  1- Şəxsiyyət,  2- Qrup,  3- Ünsiyyət  kateqoriyalarına əsaslanır. Hər bir sosial qrup və kollektivdə isə insanlar şəxsiyyət kimi iştirak edirlər.  Şəxsiyyət problemini mahiyyət etibarilə bütün ictimai elmlər, ilk növbədə isə, ümumi psixologiya öyrənir. Lakin  şəxsiyyət probleminin elə məsələləri var ki, onları öyrənmək sosial psixologiyanın vəzifəsidir.  Sosial psixologiyada şəxsiyyət müəyyən sistem, qrup, kollektivdə öyrənilir.  Sosial psixologiya həm böyük, həm kiçik qrupları öyrənir.  Makromühit və mikromühit.  Və nəhayət ünsiyyət isə bütün sosial – psixoloji  hadisələrin mənbəyini təşkil edir. Ünsiyyət müxtəlif istiqamətlərdə – kommunikativ ( informasiya mübadiləsi) , interaktiv  ( qarşılıqlı təsir) və perseptiv ( insanların bir-birini qavraması)  baxımdan təhlil olunur. Ünsiyyət və qarşılıqlı  təsir real surətdə qruplarda baş verir.

Mənbə : Ə.Ə.Əlizadə ( Sosial psixologiya)

STAY CONNECTED

20,176FansLike
2,248FollowersFollow
0SubscribersSubscribe

INSTAGRAM

Yuxularımızı idarə edə bilərikmi?Lüsid yuxu nədir?

Çox gözəl bir yuxu görərkən heç bitməməsini istədiyiniz olubmu ? Əgər olubsa, yuxuda olduğunuzu anlamısız deməkdir. Buna “Lüsid yuxu” deyilir. Lüsid...

Broun hərəkəti nədir?

Hər birimiz fikir verməsək belə ətrafda daim baş verən bu hərəkətlə heç olmasa bir dəfə rastlaşmış olmalıyıq. Məsələn, suya düşən kiçik...

X ; Y ; Z nəsilləri nəyi ifadə edir? Onlar necə formalaşır ?

Adətən, yaş fərqi olan insanlar ilə fikirlərimiz üst-üstə düşmədikdə "nəsil" ; "generasiya fərqi’" deyib keçirik. Çünki onlar yaşca bizdən böyük ya...