Voyniç manuskripti. Deşifrə olunmamış əlyazma.

Post date:

Author:

Category:

Manuskriptin ilk səhifəsi
Manuskriptin ilk səhifəsi

Voyniç əlyazması və ya Voyniç manuskripti ( ing. –Voynich Manuscript) 15-ci əsrdə naməlum müəllif tərəfindən naməlum dildə və naməlum əlifbanın tətbiqi ilə yazılmış  illüstrasiyalı kitabdır.

Əlyazmanın üz qabığı
Əlyazmanın üz qabığı

 

Bəs niyə Voyniç əlyazması?

michal_wojnicz_c-_1885
Uilfrid Voyniç

Kitab onu 1912-ci ildə əldə etmiş antikvar Uilfrid Voyniçin adını daşıyır. Uilfrid Voyniç isə məşhur irland və ingilis yazıçısı Etel Lilian Voyniçin həyat yoldaşıdır. 1959-cu ildə bukinist Hans Kraus əlyazmanı Voyniçinlərin varisindən 24.500 ABŞ dollarına almış və 1969-cu ildə  Yel Universitetində yerləşən  Beynek Nadir Kitablar və Əlyazmalar Kitabxanasına bağışlamışdır. Əlyazma hələ də bu kitabxanada saxlanılır.

Kitab təqribən 240 səhifə nazik perqamentdən ibarətdir. Üz qabığında heç bir yazı və ya şəkil yoxdur. Kitabın qalınlığı 5 santimetrdir. Səhifənin ölçüsü 16,2x 23,5santimetrdir.  Səhifə nömrələnməsindəki intervallar  bəzi səhifələrin 1912-ci ilə qədər itirildiyinə işarədir. Buna əsaslanaraq demək olar ki, kitab əslində 272 səhifədən ibarət olub.

800px-f34r
Kitabın “botanika” hissəsindəki səhifədə bitki illüstrasiyası

Manuskriptin 4 səhifəsinin radiokarbon analizindən sonra  əlyazmanın perqamentinin  erkən intibah dövrünün 1404-1438-ci illərində hazırlandığı təyin olunmuşdur.  Əlyazmada yalnız 1 realistik illüstrasiya var və bu da  “qaranquş quyruğu”   dişli divarlı şəhər rəsmidir. XV əsrin əvvəllərində belə divarlar əsasən Şimali İtaliyada yerləşirdi.

Əlyazma həm kriptoqrafiya həvəskarları, həm də professional kriptoanalitiklər tərəfindən araşdırılıb. Araşdıranlar siyahısına hətta İkinci Dünya Müharibəsi dövrü kriptoanalitikləri də aiddir. Araşdırmalara baxmayaraq, manuskriptin kiçik fraqmentini belə deşifrə etmək mümkün olmamışdır və bu silsilə uğursuzluqlara görə Voyniç manuskripti hələ də kriptoanalitiklərin diqqət mərkəzindədir.

Hazırladı: Narmin Quluzadə

Redaktə etdi: Şəfiqə Babayeva (23.11.2017)

 

STAY CONNECTED

20,186FansLike
2,246FollowersFollow
0SubscribersSubscribe

INSTAGRAM

Yuxularımızı idarə edə bilərikmi?Lüsid yuxu nədir?

Çox gözəl bir yuxu görərkən heç bitməməsini istədiyiniz olubmu ? Əgər olubsa, yuxuda olduğunuzu anlamısız deməkdir. Buna “Lüsid yuxu” deyilir. Lüsid...

Broun hərəkəti nədir?

Hər birimiz fikir verməsək belə ətrafda daim baş verən bu hərəkətlə heç olmasa bir dəfə rastlaşmış olmalıyıq. Məsələn, suya düşən kiçik...

X ; Y ; Z nəsilləri nəyi ifadə edir? Onlar necə formalaşır ?

Adətən, yaş fərqi olan insanlar ilə fikirlərimiz üst-üstə düşmədikdə "nəsil" ; "generasiya fərqi’" deyib keçirik. Çünki onlar yaşca bizdən böyük ya...